Skrýtið ef fólk heldur að það sé í lagi að skemma eigur og ráðast á fólk og þurfa svo ekki að svara fyrir það.

Nota svo þau rök að hafa verið að mótmæla og þá megi skemma og meiða. Ég vað niður við Alþingishúsið þessa daga og þvílík skrílslæti sem nokkrir sem betur fer ekki margir sýndu samborgurum sínum. Að sjálfsögðu eig það að svara til saka.

Segir saksóknara vanhæfan

Athugasemdir

[Snorri 29.6.2010 kl. 11:33]

Þú segist hafa verið niðri við Alþingishúsið „þessa daga“ og hafir séð þau „skrílslæti“ sem þú notar svo sem réttlætingu fyrir þessu dómsmáli.

Vinurinn, þú veist ekki um hvað þú ert að tala, það er alveg á hreinu. Þetta dómsmál hefur ekkert með „þessa daga“ að gera – eða búsáhaldauppreisnina eins og þú ert líklega að tala um – heldur er verið að kæra fyrir atburð sem átti sér stað þann 8. desember 2008. Þá voru engin mótmæli fyrir utan Alþingishúsið og alls kostar ólíklegt að þú hafir verið niðri við þinghúsið.

Kannski þú kynnir þér málið betur áður en þú tjáir þig um það næst.  

[Magnús Sveinn Helgason 29.6.2010 kl. 14:13]

Vildi benda á að það er enginn ákærður fyrir nein eignaspjöll í þessu máli - enda urðu engin eignaspjöll.

Þá var ekki "ráðist á" fólk: Ef þú lest ákæruna sjálfa (sjá hér: http://blog.eyjan.is/freedomfries/2010/05/20/kurteislegir-ofbeldsseggir/) þá sérð þú að "líkamsárásirnar" sem kært er fyrir eru frekar lítilfjörlegar - og ef maður skoðar öll málsgögnin, þmt. upptökur úr öryggismyndavélum sést að hér er á ferð hreinasti farsi. Ákæruvaldið hefur engin gögn til að sanna að hér hafi verið einhver ofbeldisaðgerð á ferð - enda var engin ofbeldisaðgerð á ferð!

Allt málið er alveg hreint ævintýralega ófaglega unnið, misræmi, ónákvæmni, og alvarlegasta brotið sem ákært er fyrir, brot á 100 greininni (árás á sjálfræði Alþingis) er órökstutt. Allt er þetta mál Alþingi og saksóknaraembættinu til háborinnar skammar.